Les mots surlignés font l'objet d'une note
1Monsieur, je vous ay mandé ce porteur exprès pour vous
2advertir du piteux et miserable accident qui nous est surveneu
3au col des Blaches où avons trouvé rencontre de deux
4arcquebouzières qui, de derrière un buisson nous ont tiré deux
5arcquebouzades, puis, ayant picqués plus oultre et roide de l’advis
6du capitaine Montz avons trouvé encor six qui de coups d’arcquebousade,
7nous ont rasé de près et blessé le povre monsieur Hercules
8et en ung instant faict rouler de la montaigne en bas, cassans
9teste et tout de mesme accousté le capitaine Montz et saisi
10ses armes et dict quil les prendist, sur quoy a respondu quil
11se rendoit et qu’on luy feist bone guerre ; mais come l’aultre
12le poulsant au bas de la montaigne qui est fort precipitée lont
13compaignie n’ay sceu faire aultre chose que d’evader la main
15de ses miserables qui me poursuivant et me sevouant la vie
16et m’intimidant de treuver aultre embaslé ne les ay creu,
17ains respondu qu’allors comme allors et que mon heure n’estoit
18venue, je n’ay voulu faillir vous advertir du faict, aultant piteux
19et sobdain comme à moy enuyeux et regretable ; en fin ay sceu par
20le laquay de monsieur des Pilles quilz n’ont tué comme ilz ont achevé
21mes deux povres compaignons qui n’estoient du tout mortz au
22fondz de la montaigne et jectés dans ung fossé avec ung
23grand regret comme dict ledit laquay de n’en avoir faict aultant
24pour ne m’avoir arresté de deux ou trois harcquebouzades quilz
26pençoient m’avoir lancé au travers du corps. Voila la foy des
27hommes. Je prie à Dieu quil vuielie remedier à tant de misères auquel
28prie, après m’estre humblement recommandé à vous bones graces et dudit
29sieur des Pilles, pour lequel sil vous plaict, finira aussi la presente,
30monsieur vous doner en santé très longue et heureuse vie. De Beaufort
31ce 25 novembre 1573.
32Votre plus humble ami et serviteur à jamais
33duperrier
34il fauldroit supplyer de scavoir
35qui pourroit avoir tué les
36chevaulx.
37J’ay doné à ce porteur quinze solz
38Et bailhé contant.